AQSH Shimoliy Koreya xakerlar guruhiga sanksiya joriy etdi
U 620 million dollarlik kriptovalyuta o‘g‘irlashda ayblanmoqda.
AQSH Lazarus Group xakerlar guruhiga qarshi sanksiya joriy etdi. Bu haqda mamlakat moliya vazirligi xabar berdi.
Vashington bu guruhni KXDR bilan aloqadorlikda gumon qilib keladi. Moliya vazirligi unga tegishli raqamli hamyonlarni qora ro‘yxatga kiritgan. Shu bilan birga Lazarus Group‘ning Pxenyanda joylashgani qayd etilgan.
O‘z navbatida AQSH federal qidiruv byurosi payshanba kuni shu va boshqa xakerlik APT3 guruhini 620 million dollarlik Ethereum kriptovalyutasini o‘g‘irlashda aybladi.
Lazarus Group‘ga qarshi asosiy sanksiyalar 2019-yilda joriy etilgan.
Avvalroq Fransiya BMTda Shimoliy Koreyaning kibersohasiga sanksiyalar joriy etishni taklif qilgandi.
