Sun’iy intellektdan ijodiy maqsadlarda foydalanish mumkinligi e’lon qilindi
Tayvanda uning yordamida reklama shiorlari yaratilgan.
Tayvan olimlari sun’iy intellektdan ijodiy maqsadlarda foydalanish yo‘lini topishdi. Bu haqda ZDNet nashri xabar berdi.
Unga ko‘ra, endilikda sun’iy intellektdan marketing kompaniyalari uchun ssenariy yozishda foydalanish mumkin. Appier texnologik kompaniyasi muhandislari avvaldan tasdiqlangan reklama sarlavhalari asosida maxsus matematik model ishlab chiqqan. Ushbu nefrotarmoq sutkasiga 30 milliard so‘rovni qayta ishlashi mumkin.
Ushbu model yordamida sun’iy intellekt orqali reklama shiorlari, suratlar, videolar, ma’lum mahsulotlar uchun maxsus uslublar yaratilishi mumkin.
Nefrotarmoq bir loyicha asosida bir necha kombinasiyalarni tashkil qilishni o‘rgangan. Masalan, so‘nggi marta sun’iy intellekt yuzta reklama kampaniyasi yaratishga muvaffaq bo‘lgan. Shundan so‘ng ulardan eng yaxshi besh donasi marketologlar tomonidan tanlab olingan.
Shu bilan birga Appier mutaxassisi San Minning so‘zlariga ko‘ra, sun’iy intellekt qanchalik ijodkor bo‘lmasin, baribir uning badiiy qiymati inson tomonidan baholanishini qayd etgan.
Avvalroq Ingliz olimlari o‘pka saratonini davolovchi robot yaratgani to‘g‘risida xabar berilgandi.
