Qirg‘iziston naqd dollar eksportini cheklashni rejalashtirmoqda
Qaror fuqarolarining 10 ming AQSH dollaridan ortiq naqd xorijiy valyutani olib chiqishni cheklash choralarini ko‘rishdan iborat
Qirg‘iziston Iqtisodiyot va savdo vazirligi Vazirlar Kabinetining «Qirg‘iziston Respublikasining iqtisodiy xavfsizligini taʼminlash chora-tadbirlari to‘g‘risida»gi qarori loyihasini jamoatchilik muhokamasiga taqdim etdi.
Hujjatga ko‘ra, mazkur qaror loyihasining maqsad va vazifasi norezidentlar va chet el fuqarolari, rezidentlar va fuqarolar tomonidan 5 ming AQSH dollaridan, rezidentlar va QR fuqarolarining 10 ming AQSH dollaridan ortiq naqd xorijiy valyutani olib chiqishni cheklash choralarini ko‘rishdan iborat. Milliy valyuta kursining o‘zgarishi bilan bog‘liq ichki bozor uchun salbiy oqibatlarni minimallashtirish, ijtimoiy ahamiyatga ega bo‘lgan tovarlarning ayrim turlariga narxlarning keskin oshishini yumshatish; iqtisodiyotning importga qaram bo‘lgan tarmoqlari uchun salbiy oqibatlarning oldini olish, ichki bozorni xorijiy valyuta bilan to‘ldirish nazarda tutilgan.
Shuningdek, belgilangan limitdan oshib ketgan summaning 10 foizi miqdorida to‘lov (yig‘im) respublika budjetiga tushumlarni oshiradi.
