Boris Jonsonning Rossiyaga kirishi taqiqlandi
Yana bir guruh qirollik amaldorlari Moskvaning “Qora ro‘yxati”ga tushgan.
Rossiya Buyuk Britaniya bosh vaziri Boris Jonson va mamlakatning bir guruh vazirlar mahkamasi a’zolari uchun o‘z hududiga kirishni taqiqladi. Bu haqda Federasiya Tashqi ishlar vazirligi xabar berdi.
“Qora ro‘yxat”ga Britaniya tashqi ishlar vaziri Elizabet Truss, mudofaa vaziri Ben Uolles, Bosh vazir o‘rinbosari Dominik Raab, moliya vaziri Rishi Sunak va ichki ishlar vaziri ham kiritilgan.
Bu cheklovlarning qo‘llanishi London tomonidan Rossiyani xalqaro miqyosda yakkalab qo‘yishi va mamlakatga qarshi qaratilgan jilovsiz axborotlari bilan bog‘liq.
