0
O‘zbekiston ikki oyda qariyb 5 ming tonna anor eksport qildi
Eng ko‘p anor Rossiya va Qozog‘istonga jo‘natilgan.
O‘zbekiston 2022-yilning yanvar-fevral oylarida xorijiy davlatlarga qiymati 5,4 mln AQSH dollariga teng bo‘lgan 4,9 ming tonna anor eksport qildi. Bu xaqda Davlat statistika qo‘mitasi xabar berdi.
Qayd etilishicha, anor eksporti o‘tgan yilning mos davri bilan solishtirilganda 1,5 ming tonnaga oshgan.
O‘zbekiston 2022-yilning dastlabki ikki oyida Rossiyaga 2,5 ming tonna, Qozog‘istonga 1,7 ming tonna, Tojikistonga 492 tonna, Qirg‘izistonga 239 tonna anor eksport qilgan.
Mazkur davrda xorijga Qashqadaryo (998 tonna), Surxondaryo (823 tonna), Toshkent (767 tonna) va Farg‘ona (661 tonna) viloyatlari eng ko‘p anor eksport qilgan.
