“Tolibon” bilan Pokiston munosabatlari taranglashmoqda
Pokiston Afg‘onistonning ikki viloyatiga havodan hujum uyushtirgan.
Pokiston tomonidan Afg‘onistonning Xost va Kunar viloyatlariga qilingan so‘nggi havo hujumlarida kamida 47 kishi halok bo‘ldi. Bu haqda “Tolibon” vakillari ma’lum qildi.
“Pokiston kuchlarining havo reydlari oqibatida Xostda 41 nafar tinch aholi, asosan, ayollar va bolalar halok bo‘ldi. Bundan tashqari, 22 nafar aholi yaralangan”, — deya ma’lumot bergan viloyat hukumati vakili.
Yana bir afg‘on rasmiysi ma’lum qilishicha, reydlar Kunar viloyatida yana olti kishining o‘limiga sabab bo‘lgan.
Avvalroq yuqorida tilga olingan viloyatlarga Islomobod tomonidan bir qator havo zarbalari berilgani xabar qilingandi.
“Al Arabiya” telekanali ma’lumotlariga ko‘ra, havo zarbalari Afg‘oniston bilan chegaradagi Shimoliy Vaziristonga pistirma uyushtirgan terrorchilar qo‘lida yetti pokistonlik askar halok bo‘lganiga javob bo‘lishi mumkin.
Keyinroq Pokistonning Kobuldagi elchisi havo hujumlari munosabati bilan “Tolibon” muvaqqat hukumati Tashqi ishlar vazirligiga chaqirilgan. Tomonlar uchrashuvida “Tolibon” vakillari Islomobod tomonidan sodir etilgan bunday hujumlar faktini qoralagan.
