Ukrainadagi urush 2023-yil oxirigacha davom etishi mumkin — Jonson
Britaniya Bosh vaziri Ukrainadagi vaziyat bo‘yicha o‘z bashoratlarini aytdi.
Buyuk Britaniya bosh vaziri Boris Jonson Rossiya bilan Ukraina o‘rtasidagi ziddiyatni “oldindan aytib bo‘lmaydigan holat” deb atadi. Uning fikricha, bu urush 2023-yil oxirigacha davom etishi mumkin.
Jonsonning qo‘chimcha qilishicha, Vladimir Putinning “katta armiyasi” bor. Biroq Rossiyadagi siyosiy vaziyat juda og‘ir. Chunki Kreml rahbari Ukrainaga hujum qilib, halokatli xatoga yo‘l qo‘ygan.
Hozirda Buyuk Britaniya Ukrainaga og‘irroq qurollar yuborishni rejalashtirmoqda. Bosh vazir boshqa davlatlarni ham ukrainaliklarni qo‘llab-quvvatlashga chaqirgan.
Avvalroq Boris Jonsonning Rossiyaga kirishi taqiqlangani xabar qilingandi.
