Latviyada 9-may “Motam kuni” deb e’lon qilindi
Shu kuni mamlakatda ommaviy tadbirlar o‘tkazish taqiqlandi.
9-may butun Latviyada Rossiyaning Ukrainaga qarshi harbiy tajovuzi oqibatida halok bo‘lgan fuqarolar va harbiylar sharafiga “Ukraina qurbonlarini xotirlash kuni” deb e’lon qilinadi. Bu bo‘yicha Parlament tomonidan qonun loyihasi ishlab chiqildi.
Uning maqsadi Latviya jamiyati e’tiborini Rossiya tomonidan Ukrainada boshlangan harbiy tajovuzga qaratish va Ukraina davlatining suvereniteti, mustaqilligi va hududiy yaxlitligi uchun kurashda ukrain xalqi bilan birdamlikni ko‘rsatishdir.
Qabul qilingan qonunga ko‘ra, Latviyada shu kuni ommaviy bayram tadbirlarini o‘tkazish taqiqlandi. 9-may kuni davlat muassasalari, turar-joy binolari, shuningdek, Latviya Prezidenti qarorgohi yaqinida motam dizaynidagi Latviya bayrog‘i ko‘tariladi.
Belgilangan qoidalar 11-may sanasidan boshlab o‘z kuchini yo‘qotadi.
