Armaniston bosh vaziri korteji 28 yoshli homilador ayolni urib ketdi
Armaniston bosh vaziri Nikol Pashinyan korteji Yerevanda homilador ayol — Sona Mnatsakanyanni urib yubordi.
Hodisa 26 aprel kuni kechqurun Armaniston poytaxti markazidagi Paronyan va Leo ko‘chalari chorrahasida Toyota Prado avtomobili bilan sodir bo‘lgan. Kortejda avtomobil haydovchisi to‘xtamay, voqea joyini tark etgan. Biroq u keyinroq qaytib kelgani aytilmoqda.
Maʼlumotlarga ko‘ra, jabrlanuvchi shifoxonada vafot etgan, bolani saqlab qolishning imkoni bo‘lmagan.
Tergov qo‘mitasi maʼlumotlariga ko‘ra, haydovchi qo‘lga olingan. Arman matbuotining yozishicha, avtomobil boshqaruvida Yo‘l politsiyasi ofitserlik vzvodi komandiri Aram Navasardyan bo‘lgan.
Marhuma ayol axborot texnologiyalari sohasida ishlagan va “Qanotlar” nomli IT-loyihasini boshqargan. Qiz bir yil oldin turmushga chiqqan va yozda birinchi farzandini dunyoga keltirishi kerak edi.
