Shimoliy Koreya yadroviy sinovlarga tayyorlanmoqda
Uni o‘tkazish sanasi Kim Chen Inning shaxsiy qaroriga bog‘liq.
Shimoliy Koreyaga tegishli “Pxungeri” yadroviy poligonining sun’iy yo‘ldoshdan olingan yangi suratlari Pxenyan 2017-yildan beri ilk yadroviy sinovga tayyorgarlik ko‘rayotganini ko‘rsatmoqda. Bu haqda Vashingtondagi Strategik va xalqaro tadqiqotlar markazi ma’lumot e’lon qildi.
Qayd etilishicha, hozirda tayyorgarlik qizg‘in davom etmoqda.
Ba’zi manbalar yettinchi yadro sinovi joriy yilning may-sentyabr oylari orasida o‘tkazilishi mumkinligini taxmin qilmoqda.
