Neft narxi 2008-yildan beri eng yuqori darajaga ko‘tarildi
Dunyodagi beqarorlik nikel, alyuminiy, rux va mis kabi barcha xom ashyolarning narxini ham oshirdi.
Yevropa birjalari qayta ochilganidan so‘ng Frankfurt DAX indeksi savdolarning dastlabki daqiqalarida 3,9 foizga, Parij CAC 40 birjasida 3 foizga va Milanda birjada 6 foizga pasaydi.
Ukrainadagi vaziyat, migratsiya inqirozi va Rossiyaga qarshi sanksiyalarning salbiy taʼsiri Osiyo bozorlarida ham sezildi. Nikkei Tokio fond birjasidagi savdolar natijalariga ko‘ra, asosiy indeks 3 foizga pasaygan.
Umumiy fonda esa, Rossiya nefti va gaziga bo‘lgan embargoni muhokama qilinayotgani haqida xabarlar tarqalganidan keyin neft narxi 2008 yildan beri eng yuqori darajaga ko‘tarildi.
Dushanba kuni ertalab nikel yana 10 foizga qimmatlashdi va bir tonna alyuminiy narxi birinchi marta 4000 dollarga yetdi.
Eslatib o‘tamiz, AQSHda neft narxi 3 foizga oshgan.
