Braziliyaning sobiq prezidenti lavozimiga qaytmoqchi
U oktyabr oyida bo‘lib o‘tadigan saylovlarda ishtirok etadi.
Braziliyaning sobiq prezidenti Lula da Silva davlat rahbari lavozimiga qayta da’vogarlik qilish niyatida ekanligini ma’lum qildi.
U amaldagi prezident Jair Bolsonaroni iqtisodiy siyosati, koronavirus pandemiyasiga qarshi choralari uchun tanqid qildi. Shuningdek, uni avtoritarizm, demokratiya, suverenitet va institutlarga hujum qilishda aybladi.
“Mamlakat boshdan kechirayotgan vaziyat bizni yuzaga kelishi mumkin bo‘lgan kelishmovchiliklarni yengishga majbur qiladi. Biz totalitarga qarshi turish va uni mag‘lub etish uchun demokratlarni birlashtirmoqchimiz”, — dedi u.
Lula da Silva Bolsonaroni yoqilg‘i narxining oshishi, inflyasiya, qashshoqlik va ishsizlikda ham aybladi. U, agar saylansa, iqtisodiy o‘sishga erishishga va’da berdi.
