Shimoliy Koreyada COVID-19 yuqtirganlar soni yarim milliondan oshdi
Kim Chen In buni mamlakat tarixidagi “eng katta zarba” deb atadi.
Shimoliy Koreyada bir kunda 174 mingdan ortiq COVID-19 infeksiyasi qayd etildi. 21 kishi koronavirusdan vafot etgan. Bu haqda “Yonhap” axborot agentligi xabar berdi.
Shimoliy Koreyada aprel oyining oxiridan 14-mayga qadar jami 524 440 ta COVID-19 holati aniqlanib, 27 kishi vafot etgan. Bemorlardan 243 630 nafari to‘liq tuzalib ketgan, 280 810 nafari hozirda davolanmoqda.
Shimoliy Koreya 12-may kuni global pandemiya boshlanganidan beri birinchi marta mamlakatda koronavirus infeksiyasi holatlarini rasman tan oldi.
Shimoliy Koreya yetakchisi Kim Chen In koronavirus epidemiyasini “mamlakat tashkil topganidan beri eng katta zarba” deb atadi.
Bir kun avval Janubiy Koreya KXDRga COVID-19 vaksinalarini yuborishni taklif qilgan edi. Rossiya Shimoliy Koreya so‘rasa, yordam berishini aytgan.
