Xorazmda kuchli shamol uy tomlarini uchirib ketdi
Oqibatda tom qoplamalari avtoturargohni bosib qolgan.
Bugun, 21-may kuni Urganch shahar Abulg‘ozi-Baxodirxon ko‘chasidagi uyning tahminan 70 metr/kvadrat maydonida tom yopma qoplamasini shamol uchirib, uyning orqa tomonidagi avtoturargohga tushirgan. Hodisa oqibatida “Gentra” avtomobili texnik zararlangan.
Urganch tumani "Gʻalaba" MFYdagi xususiy uyning tahminan 80 metr/kvadrat maydonda uyini shifer qoplamasi shamol oqibatida uchib yerga kulab tushgan. Voqea joyida tan jaroxati olganlar yo‘q.
Navoiy viloyatining Uchquduq tumanida "Do‘stlik" MFYda joylashgan uyning taxminan 5 metr/kvadrat, "Yo‘lchilar" MFYda 2 ta xonadonlarning taxminan 4 kvadrat/metrdan tom qismi shifer va tunikalarini uchirgan.
Eslatib o‘tamiz, FVV 21–23 may kunlari O‘zbekiston hududida kuchli shamol va yomg‘ir yog‘ishi mumkinligi va ushbu tabiiy hodisalarning ehtimoliy oqibatlari haqida aholini ogohlantirgandi.
