NATO Ukrainaga yordam beradi, ammo urush ishtirokchisi emas — Stoltenberg
Alyans bosh kotibi NATOning eng asosiy vazifasini maʼlum qildi.
NATO bosh kotibi Yens Stoltenberg alyans davlatlarini Ukrainani uzoq muddatga qo‘llab-quvvatlashga chaqirdi. Bu haqda u Ispaniyaning La Vanguardia nashriga bergan intervyusida aytgan.
“NATOning birinchi navbatdagi vazifasi — Ukrainaga yordam berish. Urushda hech narsani oldindan aytib bo‘lmaydi. Hech kim qachon bu narsa tugashini ayta olmaydi, ammo biz o‘z yordamimizni uzoq istiqbolda ham berishga tayyor turishimiz kerak”, – degan bosh kotib.
Stoltenbergning qo‘shimcha qilishicha, Shimoliy Atlantika ittifoqining yana bir vazifasi – eskalatsiyaga yo‘l qo‘ymaslik.
“Agar bu NATO va Rossiya urushiga aylanib ketsa, u butun Yevropaga yana-da dahshatli zarar keltiradi. Shu sababli biz eskalatsiyaga yo‘l qo‘ymasligimiz zarur. biz aniq aytyapmiz – NATO Ukrainani qo‘llab quvvatlaydi, ammo urush ishtirokchisi emas”, – deb qayd etgan u.
Avvalroq Germaniya kansleri Ukraina urush oqibatlarini yuz yilgacha sezishini aytgandi.
