Украина уруш оқибатларини 100 йилгача бартараф эта олмаслиги мумкин. Бу ҳақда Германия канцлери Олаф Шольц маълум қилди.
Унинг сўзларига кўра, кўплаб шаҳарларда портламай қолган бомбалар қолиб кетган. "Шу сабабли тикланишда биз биргаликда ишлашимизга тўғри келади", — деган канцлер.
Шольц Германияда ҳамон иккинчи жаҳон уруши давридан буён портламай қолган бомбалар топилишини эслатиб ўтган.
Шольц чоршанба куни Зеленский билан телефон орқали мулоқот ўтказган. У Украина етакчисига мамлакатнинг биринчи президенти Леонид Кравчук вафоти муносабати билан ҳамдардлик билдирган. Шунингдек, Киевга ёрдам кўрсатиш масаласи муҳокама қилинган.
Аввалроқ Германия канцлери Россия-Украина музокараларидан кутилаётган натижа ҳақида гапирганди.