“Toshkent – Hojikent” yo‘nalishidagi yo‘lovchi poyezdlar qatnovi vaqtincha bekor qilinadi
Bunga yo‘nalishda navbatdagi kapital taʼmirlash ishlari sabab bo‘lgan.
Transport vazirligi Axborot xizmati maʼlum qilishicha, yo‘nalishidagi yo‘lovchi poyezdlar qatnovi vaqtincha to‘xtatiladi.
Manbaga ko‘ra, 2022-yil 26-may kuni “Toshkent MTU” UK yo‘lsozlari tomonidan “Toshkent – Hojikent” yo‘nalishidagi temir yo‘l kapital taʼmirlanadi.
Shu bois, poyezdlar harakat xavfsizligi hamda yo‘lovchilar xavfsizligini taʼminlash maqsadida, shu kuni soat 10:00 dan 16:00 ga qadar “Toshkent – Hojikent – Toshkent” yo‘nalishida harakatlanadigan 6430 hamda 6435-sonli shaharlararo yo‘lovchi poyezdlar qatnovi bekor qilinadi.
“O‘zbekiston temir yo‘llari” AJ rahbariyati noqulaylik uchun yo‘lovchilardan uzr so‘ragan.
