Moskva bug‘doyni rublda sotmoqchi
Hozirda Turkiya bilan ushbu loyiha amalga oshirilishiga yaqin turibdi.
Rossiya g‘allani ham rublda sotishi mumkin. ushbu taklif RF don eksportyorlari ittifoqi tomonidan berildi.
Bunga sabab qilib sanksiyalar ortidan G‘arb valyutalarida pul mablag‘larini olish qiyinlashgani ko‘rsatilgan. “Kommersant” xabariga ko‘ra, hozirda eng kamida Turkiya bilan ushbu loyiha amalga oshirilishi kutilmoqda. Anqara Moskva bilan savdoni milliy valyutalarda amalga oshirishga rozilik bildirgan.
Rossiya g‘allasining eng yirik xaridorlari Turkiya, Misr, Saudiya Arabistoni va Eron hisoblanadi.
Mart oyi oxirida RF neft va gazni rublda sotish bo‘yicha qaror chiqargandi. Hozirda ayrim Yevropa davlatlari shu talab asosida uglevodorodlarni xarid qilmoqda.
Avvalroq Vashington Ukrainadan don olib chiqish yo‘llarini qidirayotgani to‘g‘risida xabar berilgandi.
