Faqat qurol emas. AQSH Ukrainaga konteyner yetkazib bermoqchi
Bundan ko‘zlangan maqsad ochiqlandi.
AQSH Ukrainaga don saqlash uchun maxsus konteynerlar berishi mumkin. Bu haqda CNN telekanali Amerika administratsiyasidagi manbalariga asoslanib xabar berdi.
Unga ko‘ra, Vashington 20 million tonnaga yaqin g‘allani asrab qolishni mo‘ljallagan. Shuning uchun Kiyevga don saqlash uchun maxsus qop yoki qutilar yetkazib berish ko‘rib chiqilmoqda. Bu kelgusida bug‘doyni poyezd yoki yuk mashinalariga ortishni yengillashtiradi.
AQSH davlat kotibi Entoni Blinkenning qayd etishicha, Rossiya Odessa portida bug‘doy ortilgan 85 ta kemani bloklab qo‘ygan.
Avvalroq Vashingtonning Rossiyadan bug‘doy eksportini qo‘llab-quvvatlashi maʼlum qilingandi.
