Estoniya NATO sharqini kuchaytirishni taklif qildi
Bu taklifni mamlakat bosh vaziri bergan.
Ukrainadagi vaziyat ortidan NATO sharqiy qanoti kuchaytirilishi kerak. Bu haqda Estoniya bosh vaziri Kaya Kallas maʼlum qildi.
“Ukrainadagi voqealar NATO sharqida kuchli harbiy ishtirok shartligini ko‘rsatdi. Buning uchun alyans tiyib turishdan mudofaa holatiga o‘tishi kerak. Kuchli mudofaa o‘z navbatida tiyib turishning eng yaxshi yo‘li hisoblanadi. Bu NATO ittifoqchilariga hujum qilishga imkon qoldirmaydi”, – degan u.
Bosh vazirning qo‘shimcha qilishicha, iyun oxirida bo‘lib o‘tadigan NATOning Madriddagi sammitiga Boltiqbo‘yi davlatlari yagona pozitsiya bilan boradi.
Avvalroq Yaponiya bosh vaziri NATO sammitida ishtirok etishi to‘g‘risida xabar berilgandi.
