Braziliyada bedarak yo‘qolgan jurnalist va gid qidirilmoqda
Britaniyalik Dom Filips va braziliyalik Bruno Pereyr Peru bilan chegara yaqinidagi Javari daryosida g‘oyib bo‘lgan.
Braziliya o‘tgan yakshanbadan beri bedarak yo‘qolgan jurnalist va mahalliy xalqlar madaniyati bo‘yicha mutaxassisni qidirmoqda.
«Biz tergov variantlarini eʼtiborsiz qoldirmaymiz. Bizda ikkita asosiy yo‘nalish bor. Qidiruv to‘xtamadi. Jinoyat sodir etilgan bo‘lishi mumkin», — dedi Amazonas shtati politsiyasi boshlig‘i Aleksandr Eduardo Fontes.
Shu kungacha 6 nafar fuqaro politsiyaga murojaat qilgan. Mahalliy xalqlar ishlari bo‘yicha agentlik vakili Marselo Ksavyening aytishicha, Vale-du-Javari hududi Portugaliyaning ikkita hududiga teng va bu hudud unchalik mehmondo‘st emas.
«Mahalliy aholi yashaydigan hududga xavfsizlik xizmatiga rasman xabar bermasdan ikki kishining kirishi qiyinchilik tug‘dirmoqda», — dedi u.
Odamlar Dom Filips va Bruno Prereyrni oxirgi marta qayiqda sayohat qilganini ko‘rishdi. Ularga ergashgan erkak soqchilar tomonidan ushlanib, keyinroq qo‘yib yuborilgan.
