0
25 nafar bolani "bag‘riga olgan" "Damas" jarima maydonchasiga tushdi
Haydovchiga nisbatan bayonnoma rasmiylashtirilgan.
Surxondaryoda “Damas” haydovchisi 25 nafar bog‘cha bolasini olib ketayotgani maʼlum bo‘ldi.
Unga ko‘ra, avtomobil M-39 xalqaro avtomobil yo‘lining Termiz tumani «Yangi hayot» MFY hududida harakatlanib ketayotganida to‘xtatib qolingan.
“Damas” old eshigiga ruxsatsiz qoraytirilgan parda o‘rnatilgani uchun jarima maydonchasiga joylashtirilgan. Haydovchiga nisbatan Maʼmuriy javobgarlik to‘g‘risidagi kodeksning 126-moddasiga (ko‘zgusimon va (yoki) tusi o‘zgartirilgan (qoraytirilgan) oynali, shuningdek tevarak-atrofni ko‘rishni cheklaydigan qoplamali transport vositalaridan foydalanish) asosan bayonnoma tuzilgan.
