SHHT Arab davlatlari ligasi bilan hamkorlikni kengaytiradi
Shu maqsadda ikki tashkilot o‘rtasida shartnoma imzolanishi kutilmoqda.
Shanxay Hamkorlik Tashkiloti va Arab davlatlari ligasi o‘rtasida hamkorlik to‘g‘risida shartnoma imzolanadi. Bu haqda O‘zbekistonning SHHTdagi milliy koordinatori Ismatulla Nurimbetov maʼlum qildi.
“Maʼlumki, biz Arab davlatlari ligasini bo‘lajak sammitga chaqirmoqchimiz. Bundan ko‘zlangan maqsad ikki tashkilot kotibiyatlari o‘rtasida shartnoma imzolashdan iborat”, – degan Nurimbetov Toshkentda bo‘lib o‘tayotgan SHHT milliy koordinatorlari kengashida.
Avvalroq Toshkentda SHHT Yoshlar kengashi 15 yig‘ilishi bo‘lib o‘tgandi.
