Rossiyada Windows 10 va 11 ni yuklab olish cheklandi
Ammo Microsoft rasmiy saytida taqiq haqida ma’lumot berilmadi.
Rossiyalik foydalanuvchilar Microsoft veb-saytining Windows 10 va 11 operasion tizimlarini yuklashda muammolarga duch kelmoqda. Bu haqda “Kommersant” nashri xabar berdi.
Qayd etilishicha, faqatgina VPN xizmatidan foydalanganda bunday muammolar yuzaga kelmaydi. Shu bilan birga, Microsoft veb-saytida Rossiya hududida foydalanuvchilar uchun kirishni cheklash haqida hech qanday ma’lumot e’lon qilinmagan.
Eslatib o‘tamiz, 4-mart kuni Microsoft korporasiyasi Rossiyada yangi mahsulot va xizmatlar savdosi to‘xtatilganini e’lon qilgandi. Ammo amaldagilarini taqiqlash to‘g‘risida hech qanday ma’lumot berilmagan.
