Britaniya Rossiyaga qarshi yangi sanksiyalar paketini e'lon qildi
Bu galgi paket keng qamrovli taqiqlarni o'z ichiga olgan
Britaniya hukumati Rossiyaga qarshi yangi sanksiyalar e'lon qildi. Unga ko'ra, Rossiyaga samolyot yoqilg‘isi va yoqilg‘i qo‘shimchalarini eksport qilish yoki undan foydalanishni taqiqlanadi.
Shuningdek, “Funt sterlingdagi banknotalar va Yevropa Ittifoqi davlatlarining banknotalarini Rossiyaga olib chiqish yoki ulardan foydalanishni taqiqlash, Rossiya bilan aloqador shaxslarga bunday banknotlarni taqdim etish yoki yetkazib berish hamda Rossiya Federatsiyasi hududida foydalanish ham taqiqlanadi.", deyiladi bayonotda.
Bundan tashqari, temir va po'lat importi bilan bog'liq texnik yordam, moliyaviy xizmatlar va vositachilik xizmatlarini ko'rsatish sohasida Rossiyaga nisbatan cheklov choralari kengaytirildi. Eng muhim sanoat mahsulotlari bo‘lgan neftni qayta ishlash sohasiga oid tovar va texnologiyalarni eksport qilishga qo‘shimcha cheklovlar joriy etilmoqda. Cheklovlar kimyoviy va biologik qurollarni ishlab chiqarish uchun ishlatilishi mumkin bo'lgan tovarlarga ham tegishli.
