Namanganda Damas ortilgan yuk mashina YTHga uchradi
Oqibatda 9 ta avtomobilga texnik shikast yetgan.
Ijtimoiy tarmoqda Namangan viloyati Pop tumanida ikkita yuk mashinasi ishtirokida yo‘l-transport hodisasi sodir bo‘lgani haqida xabar tarqaldi. Holat yuzasidan viloyat IBB JXX YHXB rasmiy munosabat bildirdi.
Ma’lum qilinishicha, 4R-112 “Farg‘ona halqa yo‘li” avtomobil yo‘lining 25-kilometrida harakatlanib ketayotgan yuk mashina haydovchisi uxlab qolishi oqibatida svetaforning qizil chirog‘ida to‘xtab turgan Trallerning orkasiga urilgan.
Hodisa oqibatida yuk avtomashina haydovchisi bosh miya jarohati bilan Pop tuman shifoxonasiga yotqizilgan. Trallerdagi 9 ta damas texnik shikastlangan. Hozirda holat yuzasidan qo‘shimcha surishtiruv ishlari olib borilmoqda.
Eslatib o‘tamiz, bundan oldin Samarqand viloyatining Ishtixon tumanida g‘alla ortilgan yuk mashinasida yong‘in sodir bo‘lgandi.
