Yashash uchun eng yaxshi shaharlar reytingi tuzildi
Vena unda birinchi o‘rinni egalladi.
Avstriya poytaxti Vena 2 yillik tanaffusdan so‘ng yashash uchun dunyodagi eng yaxshi shaharga aylandi. Bu haqda “The Economist Intelligence Unit” tadqiqotida ma’lum qilindi.
Qayd etilishicha, o‘tgan yilgi reyting yetakchisi Yangi Zelandiyaning Oklend shahri bo‘lgan edi. Bu gal ushbu shahar reytingda 33-pog‘onaga tushib ketgan.
2022-yilda Kopengagen ikkinchi, Tsyurix va Kalgari uchinchi o‘rinda bo‘lishdi. Vankuver esa beshinchi o‘rinni egallagan. Kuchli o‘ntalikka Jeneva, Frankfurt, Toronto, Amsterdam, Osaka va Melburn kirgan.
Ukrainadagi voqealar tufayli Varshava va Budapeshtning pozisiyalari yomonlashgan, Kiyev esa reytingdan butunlay chiqib ketgan.
