Xitoyda turar-joy majmuasida yong‘in: halok bo‘lganlar soni 14 kishiga yetdi
Hozircha hodisa sababi ma’lum emas.
Xitoy shimolidagi Shansi provinsiyasining Tayyuan shahrida joylashgan turar-joy majmuasida sodir bo‘lgan yong‘in oqibatida 14 kishi halok bo‘ldi. Bu haqda Sinxua axborot agentligi xabar berdi.
Ma’lum qilinishicha, yong‘in 8-noyabr kuni soat 16:59 da shaharning Yingze tumanidagi turar-joy majmuasida yuz bergan. Dastlab hodisa oqibatida besh kishi halok bo‘lgani va 33 kishi jarohatlangani xabar qilingan. Keyinchalik qurbonlar soni 14 nafarga yetgan.
Hozirda yong‘in sababi aniqlanmoqda, hodisa yuzasidan tergov ishlari olib borilmoqda. Voqea joyida tegishli ishlar davom etmoqda.
