O‘zbekistonda koronavirus avj olmoqda
Bir sutkada 14 ta hududda 139 ta kasallik yuqtirish holati aniqlandi.
O‘zbekistonda koronavirus bilan kasallanishlar soni ortishda davom etmoqda. Kecha, 25-iyun kuni 139 kishida infeksiya aniqlandi. Bu haqda Sog‘liqni saqlash vazirligi matbuot xizmati xabar bermoqda.
Yangi kasallanish holatlari Qoraqalpog‘iston Respublikasi (2 ta), Andijon (1 ta), Buxoro (5 ta), Jizzax (6 ta), Qashqadaryo (17 ta), Navoiy (4 ta), Namangan (4 ta), Samarqand (3 ta), Sirdaryo (3 ta), Surxondaryo (10 ta), Farg‘ona (11 ta), Xorazm (4 ta), Toshkent (13 ta) viloyatlarida, shuningdek, poytaxtda (56 ta) qayd etilgan.
Koronavirus kasallikka chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, kecha kun davomida Qashqadaryo (3 nafar), Farg‘ona (1 nafar), Toshkent (6 nafar) viloyatlarida va poytaxtda (15 nafar) jami 25 nafar bemor tuzalib, kasallikdan sog‘ayganlar ko‘rsatkichi 99 foizni tashkil etmoqda.
Javohirbek TURSUNOV
