Kiyevning Yevropa eshiklariga yo‘li uzoq bo‘ladi — Yevropa komissiyasi raisi
Ursula fon der Lyayen Ukrainada yangi islohotlar o‘tkazish zarurligini aytdi.
Ukrainaning Yevroittifoqqa aʼzoligini besh oy oldin tasavvur qilib bo‘lmasdi. Bu haqda Yevropa Komissiyasi raisi Ursula fon der Lyayen maʼlum qildi.
“Besh oy ilgari Ukrainani YеI aʼzoligiga nomzod maqomida tasavvur qilib bo‘lmasdi. Bugun Kiyevning tanlovini nishonlash vaqti keldi”, – degan u mamlakat Oliy Radasi (parlament)dagi chiqishida.
Der Lyayenning so‘zlariga ko‘ra, Ukrainaga ko‘plab investitsiyalar kiritiladi. Ammo buning uchun mamlakatda yangi islohotlar o‘tkazish zarur. YеK raisi ukrainaliklar kuchli antikorrupsion rejim yarata olganini taʼkidlagan. U oligarxlarning iqtisodiyot ustidan nazoratini yo‘qotish muhimligini qayd etgan.
“Islohotlar o‘tkazish va institutlarni harakatga keltirish vaqti keldi.. Siz uchun asosiy signalim shundan iborat: oldinda juda uzoq yo‘l turibdi, ammo Yevrapa eshiklariga kelguningizcha, biz sizni qo‘llab-quvvatlaymiz”, – deb qo‘shimcha qilgan siyosatchi.
Avvalroq Ukraina nizosi yakunlari bo‘yicha uchta variant taxmin qilingandi.
