Rossiyada O‘zbekiston fuqarosiga qo‘pollik qilgan migratsiya markazi xodimi ishdan bo‘shatildi
Xodim barmoq izi olish vaqtida fuqaroga kuch ishlatgan.
Avvalroq Voronej shahridagi migrasiya markazi xodimi o‘zbekistonlik mehnat migrantining barmoq izlarini olish vatida unga kuch ishlatgani va hodisa yuzasidan tegishli organlarga murojaat yuborilgani ma’lum qilingandi.
Ushbu murojaat asosida Voronej shahri IIB tomonidan Migrasiya markazi xodimlariga nisbatan xizmat tekshiruvi tayinlanib, Tashqi mehnat migrasiyasi agentligi vakili ishtirokida surishtiruv ishlari olib borilgan.
Xabar qilinishicha, Migrasiya markazida yollanma ishchi sifatida faoliyat yuritib kelgan xodim bilan mehnat shartnomasi bekor qilingan.
Ma’lumot uchun: fuqaro A. Gʻ. 2022 yil 1-iyunda ishlash maqsadida Voronej shahriga borgan. Xujjatlarini rasmiylashtirish uchun 28-iyunda migratsiya markazida barmoq izlari topshirish jarayonida mas’ul xodim tomonidan kuch ishlatilgan.
