0
O‘zbekistonlik qiz Xalqaro biologiya olimpiadasida bronza medalni qo‘lga kiritdi
Мedal uchun o‘quvchi 60 mln so‘m pul mukofoti bilan taqdirlanadi.
O‘zbekistonlik o‘quvchi qiz Armanistonda o‘tkazilayotgan 33-Xalqaro biologiya olimpiadasida qatnashib, bronza medalini qo‘lga kiritdi. Bu haqda Xalq ta’limi vazirligi axborot xizmati xabar berdi.
Qayd etilishicha, dunyoning 64 davlatidan 256 nafar o‘quvchi qatnashgan mazkur olimpiadada Toshkent pediatriya instituti akademik liseyi o‘quvchisi Aziza Abduvaliyeva bronza medalini qo‘lga kiritdi.
Belgilangan tartibga ko‘ra, medal sohibi oliy ta’lim muassasasiga test sinovlarisiz, davlat granti asosida qabul qilinadi. Bronza medali uchun o‘quvchiga 60 mln so‘m, uning o‘qituvchisiga esa 45 mln so‘m pul mukofoti bilan taqdirlanadi.
