Xitoyda Osiyodagi birinchi maxsus yuk aeroporti ochildi
Bu Osiyodagi birinchi va dunyoda yuk tashishga ixtisoslashgan to‘rtinchi aeroportdir.
Boeing 767-300 yuk samolyoti yakshanba kuni soat 11:36 da Markaziy Xitoyning Xubey provinsiyasidagi Echjou Xuaxu aeroportidan havoga ko‘tarildi. Bu Xitoyning birinchi ixtisoslashtirilgan yuk aeroporti rasmiy ish boshlaganini nishonladi.
23 ming kvadrat metr yuk terminali, qariyb 700 ming kvadrat metrlik yuk tranzit markazi, 124 avtoturargoh va ikkita uchish-qo‘nish yo‘lagi bilan jihozlangan yangi Echjou Xuaxu aeroporti havo yuklarini tashish samaradorligini oshirishi kutilmoqda.
Aeroport yuk reyslaridan tashqari yo‘lovchi reyslariga ham xizmat ko‘rsatadi. 2025 yilga borib aeroportda 10 ta xalqaro yuk va 50 ta ichki yo‘nalishlar ochilishi, yuk va pochta jo‘natmalarini o‘tkazish hajmi 2,45 million tonnaga yetishi ko‘zda tutilgan.
