Twitter mojarosi davom etmoqda
Ilon Mask tarmoqqa zarar yetkazmoqchi bo‘lganlikda ayblandi.
Twitter vakillari sudda tadbirkor Ilon Mask kompaniyaga “uzrsiz” zarar yetkazmoqchi bo‘lganini aytdi. Bu haqda “RIA Novosti” nashri xabar bermoqda.
Delaver sudi Twitterning Maskni ijtimoiy tarmoqni sotib olish bo‘yicha shartnomani bajarmaganligi haqidagi talabini ko‘rib chiqmoqda.
Kompaniya vakili dastlabki eshituvda Mask kelishuvni amalga oshirish uchun barcha sa’y-harakatlarini amalga oshirishi kerakligini, ammo u aksincha, uni buzishga urinayotganini aytdi.
“Maskning shartnoma doirasidagi xatti-harakati kechirib bo‘lmaydigan narsa”, — dedi ijtimoiy tarmoq vakili.
Eslatib o‘tamiz, avvaliga Mask Twitterni 44 milliard dollarga sotib olishini bildirgan, endi esa u bundan bosh tortmoqda.
