Navoiyda 97 ta tender savdolari noqonuniy o‘tkazilgani aniqlandi
Hozirda 61 ta holat yuzasidan ish qo‘zg‘atilgan.
Monopoliyaga qarshi kurashish qo‘mitasining Navoiy viloyat hududiy boshqarmasi tomonidan joriy yil birinchi yarim yillikda 43645 mln so‘mlik 191 dan ortiq tanlov (tender) savdolarida o‘rganishlar o‘tkazilgan bo‘lib, shundan 97 tasida “Raqobat to‘g‘risida”gi qonun talablari buzilish holatlari aniqlandi.
Aniqlangan 36 ta holat bo‘yicha huquq tartibot organlariga ma’lumotnomalar kiritilgan va 61 ta holat yuzasidan ish qo‘zg‘atilib, qonun buzilish holatlarini bartaraf etish bo‘yicha bajarilishi majburiy bo‘lgan ko‘rsatmalar berilgan.
Bundan tashqari, 2022-yil 7-iyunda buyurtmachi Uchquduq tuman Maktabgacha ta’lim bo‘limi tomonidan 5-sonli MTT binosini 279,5 mln so‘mga joriy ta’mirlash bo‘yicha o‘tkazilgan elektron eng yaxshi takliflarni tanlash savdosida “Raqobat to‘g‘risida”gi qonunning 14-moddasi talablari buzilgan.
Hududiy boshqarmaning joriy yil 17-iyun kungi xati bilan mazkur tanlov bekor qilinib, qayta tanlovga qo‘yilishi natijasida murojaatchi-tanlov ishtirokchisi “GARANT UCHQUDUQ” MCHJ huquqlari tiklangan.
