Qirg‘izistonda elektr energiyasiga bo‘lgan talab ortib bormoqda
Anormal issiq va quruq ob-havo tufayli qirg‘izistonliklar yozda ko‘proq elektr energiyasi isteʼmol qila boshladi.
Qirg‘iziston milliy energetika xolding maʼlumotlaricha, 19-iyul holatiga ko‘ra, bir sutkalik elektr energiyasi isteʼmoli 34 million kVt/soatni tashkil etgan bo‘lsa, o‘tgan yili bu ko‘rsatkich 29 million kilovatt/soatni, 2020 yilda esa 28 million kilovatt/soatni tashkil qilgan.
Elektr energiyasi isteʼmoli o‘sishi bilan bir qatorda Toqtog‘ul suv omborida suv isteʼmoli ham oshib, suv oqimiga deyarli teng bo‘ldi. Hozirgi suv sathi 12,7 milliard kub metr bo‘lsa, suv oqimi 538 m³ va isteʼmol 458 m³ ni tashkil qiladi. Rasmiylar butun energetika tizimining ishonchli ishlashini taʼminlash uchun isteʼmolchilarni elektr energiyasidan foydalanishda ehtiyot bo‘lishga chaqirmoqda.
