Putin Sindzo Abening dafn marosimiga taklif qilinmaydi
Yaponiya hukumati Rossiya rahbarini mamlakatga kiritmoqchi emas.
Tokio Rossiya prezidenti Vladimir Putinning 27-sentyabr kuni bo‘lib o‘tadigan Yaponiya sobiq Bosh vaziri Sindzo Abening davlat dafn marosimida ishtirok etishiga to‘sqinlik qilishni rejalashtirmoqda.
Bunga Ukrainadagi maxsus operatsiya ortidan Yaponiyaning Rossiya rahbariga nisbatan qo‘ygan shaxsiy sanksiyalari sabab bo‘lgan.
“Biroq Moskva bilan diplomatik aloqalar uzilmagan, shu bois Rossiya tomoni marosim haqida xabardor qilinadi”, — deyilgan xabarda.
Tokio Vladimir Putinning dafn marosimida ishtirok etish istagini bildirsa, uning mamlakatga kirishi uchun cheklovlarni yumshatishni rejalashtirmayapti.
Qayd etilishicha, Vladimir Putin yapon siyosatchisini yaxshi tanigan. Yaponiya bosh vaziri bo‘lganida Abe Putin bilan ko‘p marta uchrashgan.
