Navoiyda 109,2 mln subsidiya pullari talon-taroj qilindi
Ushbu mablag‘ fuqarolarni ish bilan ta’minlash maqsadida ajratilgan bo‘lgan.
Konimex tumanida 109,2 mln so‘m subsidiya mablag‘ini o‘zlashtirgan korxona rahbari aniqlandi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Ma’lum qilinishicha, Departametning Konimex tuman bo‘limi tomonidan fuqarolarning murojaatlariga asosan tergovga qadar tekshiruv o‘tkazilgan. Unda “T.A.” ishlab chiqarish korxonasi rahbari O‘. T. fuqarolarni ish bilan ta’minlash maqsadida ajratilgan jami 109,2 mln so‘m subsidiya mablag‘ini o‘zlashtirish yo‘li bilan talon-toroj qilganligi aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
