Ilon Mask va Twitter mojarosi
Tadbirkor Twitter rahbariyatiga qarshi da’vo ochdi
Amerikalik tadbirkor Ilon Mask avvalroq uni sudga bergan Twitter ijtimoiy tarmog‘i rahbariyatiga qarshi da’vo bilan chiqdi. Bu haqda CNBC xabar bermoqda.
Telekanalning ta’kidlashicha, Mask noma’lum sababga ko‘ra suddan qarshi da’vo tafsilotlarini sir saqlashni so‘ragan. Twitter iyul oyida Maskni 44 milliard dollarlik birlashish shartnomasini buzgani uchun sudga berdi.
25-aprel kuni Mask va Twitter rahbariyati ijtimoiy tarmoqni 44 milliard dollarga sotish bo‘yicha kelishuvga erishdi, biroq may oyi o‘rtalarida biznesmen Twitter proporsiya haqidagi vaziyatga oydinlik kiritmagunicha, kelishuvda boshqa harakat bo‘lmasligini aytdi.
8-iyul kuni Mask Twitterni shartnoma shartlarini buzganligi sababli sotib olish bo‘yicha kelishuvdan chiqayotgani haqida xabardor qildi. Keyin Twitter rahbariyati ijtimoiy tarmoqni sotib olish bo‘yicha kelishuvni yakunlash uchun milliarderni sudga berdi.
Twitterning Maskga qarshi da’vosi bo‘yicha sud jarayoni 17-oktyabrga belgilandi. Jarayon besh kun ichida yakunlanishi kerak.
