Indoneziyadan O‘zbekistonga parvozlar yo‘lga qo‘yiladi
Ziyorat turizmi doirasida parvozlarni amalga oshirish imkoniyatlari istiqbolli ekani aytilmoqda.
Indoneziyaning “Citilink” loukosteri O‘zbekistonga parvozlarni yo‘lga qo‘yishni rejalashtirmoqda. Bu o‘zbekistonlik diplomatlarning aviakompaniya vakillari bilan uchrashuvi chog‘ida ma’lum bo‘ldi.
Unda Indoneziya tomoniga "Umra Plyus" va "O‘zbekiston Plyus" ziyorat turizmi dasturlari bo‘yicha "Citilink" tranzitini ta’minlashning qulay va jozibali imkoniyatlari haqidagi batafsil ma’lumotlar taqdim etilgan. Parvozlar Buxoro yoki Samarqand orqali amalga oshirilishi maqsad qilingan.
"Ziyorat turizmi doirasida O‘zbekiston orqali parvozlarni amalga oshirish imkoniyatlari juda istiqbollidir",- deydi "Citilink" aviakompaniyasining tijorat direktori Agung Susilo.
