Navoiyda 3 mlrd so‘mlik antimayner qurilmalari o‘g‘irlab ketildi

 

Navoiy viloyatining Karmana tumanida 30 ta antimayer qurilmalari noma’lum shaxslar tomonidan o‘g‘irlab ketildi. Bu haqda Ichki ishlar vazirligi axborot xizmati xabar berdi.

 

Joriy yilning 31-may kuni Navoiy shahrida yashovchi A. F. murojaat qilib, Karmana tumani “Sardoba” mahallasidagi issiqxona hududiga o‘rnatilgan, umumiy qiymati 3 mlrd 285 mln so‘mlik 30 ta “ANTMAYNER T19” qurilmalarini noma’lum shaxslar o‘g‘irlanganini ma’lum qilgan.

 

Mazkur o‘ta og‘ir jinoyatni fosh etish maqsadida IIV Kiberxavfsizlik markazi va uning Navoiy viloyati bo‘linmasi xodimlari bilan hamkorlikda tezkor-texnik tadbir o‘tkazilgan. Aniqlanishicha, A. Gʻ.ga tegishli 2 dona “ANTMAYNER T19” apparatlari 1999-yilda tug‘ilgan Toshkent shahar Yunusobod tumanida yashovchi, antimayner qurilmalarini ta’mirlovchi usta I. A. tomonidan foydalanib kelinayotgan bo‘lgan. 

 

Shundan so‘ng A. F. Ibragimov bilan tezkor surishtiruv olib borilib, mazkur antimayner qurilmalarni o‘g‘irlagan shaxslar (1995-yilda tug‘ilgan Navoiy viloyati Karmana tumanida yashovchi N. F. va R. A.lar) aniqlangan. 

 

Tezkor-qidiruv tadbirlari natijasida, N. F. va R. A.lar qo‘lga olingan va N. F.ning yashash xonadonidan 11 dona “ANTMAYNER T19” qurilmalari ashyoviy dalil tariqasida hujjatlashtirib olingan.

 

Hozirda qo‘lga olingan N .F. va R. A.larning “Quroltayev Alibek” ismli hamda boshqa jinoiy sheriklarini aniqlash choralari ko‘rilmoqda.