Konstitutsiyaga kiritilgan o‘zgartirishlar bo‘yicha jamoatchilik muhokamasi yakunlandi
30-iyul holatiga ko‘ra, o‘zgartirishlar kiritish to‘g‘risidagi qonun loyihasiga kiritilgan takliflarning umumiy soni 117,3 mingdan ortiqni tashkil etdi.
Bugun, 1 avgust kuni soat 00:00 da O‘zbekiston Konstitutsiyasiga kiritilgan o‘zgartirishlarning umumxalq muhokamasi yakunlandi.
Qayd etilishicha, qonunchilik palatasining masʼul qo‘mitalari xalqdan kelib tushgan takliflarni umumlashtirish, tahlil qilish va qonun loyihasini takomiliga yetkazish borasidagi faoliyatini davom ettiradi.
Eslatib o‘tamiz, O‘zbekiston Konstitutsiyasining yangi tahriri loyihasining jamoatchilik muhokamasi 5 iyulga qadar, so‘ngra 15 iyulga qadar davom etdi. Keyinroq, muhokamani yana 1 avgustgacha uzaytirishga qaror qilindi.
1-2 iyul kunlari Qoraqalpog‘istonda ro‘y bergan tartibsizlikdan so‘ng, respublika maqomini o‘zgartirish bo‘yicha taklif etilayotgan tuzatishlar loyihasidan Qoraqalpog‘istonga oid moddalar chiqarib tashlandi.
