Misrdagi YTH oqibatida 17 kishi halok bo‘ldi
Voqea joyiga 15 ta tez yordam mashinasi yetib kelgan.
Politsiya maʼlumotlariga ko‘ra, voqea Sohag viloyatida sodir bo‘lgan. Hodisa oqibatida17 kishi halok bo‘lgan, 4 kishi jabrlangan. Jabrlanganlar Sohag shahar bosh kasalxonasiga yetkazilgan.
Ikki hafta muqaddam Misrning Minya viloyatidagi cho‘l yo‘lida yo‘lovchi avtobusi yuk mashinasi bilan to‘qnashib ketishi oqibatida 23 kishi halok bo‘lgan va 30 kishi jarohat olgandi.
Misrda har yili yo‘l-transport hodisalari minglab odamlarning hayotiga zomin bo‘ladi va, asosan, tezlikni oshirish, yomon yo‘llar va yo‘l harakati qoidalariga ko‘pincha amal qilinmasligi tufayli transport xavfsizligi darajasi pastligicha qolmoqda.
