Rossiyada 25 yoshli o‘zbekistonlik yigit o‘g‘irlab ketildi
Jabrlanuvchi o‘rmonda chuqur qazishga majbur qilingan.
Rossiyaning Sankt-Peterburg shahri Krasnoselsk tumanida 25 yoshli o‘zbekistonlik yigit o‘g‘irlab ketildi.
Maʼlum qilinishicha, yigit may oyida Rossiyaga ishlash uchun kelgan va vaqtinchalik ro‘yxatdan o‘tgan. Uni 31-iyul kuni besh kishi kafening xizmat ko‘rsatish eshigida ushlab olgan. Bu ham yetmagandek ular yigitning telefonini olib qo‘ygan va uni 35 ming rubl miqdorida kredit olish uchun onlayn ariza yozishga majburlagan.
Keyin yigitni mashinaga o‘tkazib, o‘rmonga olib ketishgan. U yerda jabrlanuvchi quduq qazishga majbur qilingan. Shu bilan birga, o‘g‘rilar yigitdan 100 ming rubl talab qilgan, keyin uni yana kafega olib kelishgan.
Avvalroq Rossiyada o‘zbekistonlik yigit qizni pichoqlab o‘ldirgani haqida xabar berilgandi.
