Senatning navbatdagi yalpi majlisi bugun o‘tkaziladi
Unda qaysi masalalar kun tartibida bo‘lishi ochiqlandi
Kecha Oliy Majlisi raisi Tanzila Narbayeva olib borgan Senat Kengashining navbatdagi majlisida yigirma to‘qqizinchi yalpi majlisni bugun – 4 avgust kuni chaqirish to‘g‘risida qaror qabul qilindi. Yalpi majlis ikki kun davomida videokonferensaloqa shaklida o‘tkazilishi aytilmoqda.
29-yalpi majlisda:
– “O‘zbekiston Respublikasining Uy-joy kodeksini tasdiqlash to‘g‘risida”gi,
– “Davlat qarzi to‘g‘risida”gi,
– “O‘zbekiston Respublikasining Oila kodeksiga o‘zgartishlar kiritish to‘g‘risida”gi,
– “O‘zbekiston Respublikasi Maʼmuriy javobgarlik to‘g‘risidagi kodeksining 206 prim 1 moddasiga o‘zgartish kiritish haqida”gi qonunlar ko‘rib chiqiladi.
Shuningdek, kun tartibi doirasida Oliy Majlis Senati Kengashi qarorlarini ham tasdiqlash ko‘zda tutilgan.
