Xorazmda bola bog‘chada emas, shifoxonada vafot etgan

 

Kecha ijtimoiy tarmoqlarda “Xonqa tumanidagi bog‘cha tarbiyalanuvchisi vafot etdi” sarlavhali xabarlar tarqaldi. Biroq holat ayrim internet nashrlari tomonidan noto‘g‘ri talqin qilingan. Ushbu vaziyat yuzasidan Xorazm viloyat prokuraturasi rasmiy maʼlumot bilan chiqdi.

 

Maʼlum bo‘lishicha, Xonqa tumani, “Toma” mahallasida joylashgan 24-son davlat maktabgacha taʼlim tashkiloti 2-katta guruh tarbiyalanuvchisi O‘rinboyev Shodiyor Azizbek o‘g‘li (30.06.2017 yilda tug‘ilgan, 5 yosh) 03.08.2022 yil bog‘chada tushlikdan keyin soat 12.20 larda o‘zini yomon xis qila boshlaganligini payqagan tarbiyachi A.Ro‘zmetova bog‘cha hamshirasi A.Jumaboyevani chaqirgan.

 

Hamshira A.Ro‘zmetova tomonidan Sh.O‘rinboyevga birinchi yordam ko‘rsatilgan va bu haqda tez tibbiy yordam hamda bolaning ota-onasiga xabar berilgan.

 

Sh.O‘rinboyev tez tibbiy yordam mashinasida Xonqa TTB olib borilgan hamda ko‘rsatilgan tibbiy muolajalarga qaramasdan tibbiyot birlashmasi jonlantirish bo‘limida vafot etgan.

 

Marhum Sh.O‘rinboyevning ota-onasi A.Qalandarov va M.Artiqbayevalarga ko‘ra, Sh.O‘rinboyevning tutqanog‘i tutib turgan. Biroq bu haqda maktabgacha taʼlim muasasasi xodimlarini ogohlantirishmagan, shuningdek, Sh.O‘rinboyev epilepsiya yoki boshqa kasallik bilan tibbiyot birlashmasida hisobda turmagan. 

 

Mazkur holat yuzasidan Xonqa tuman prokuraturasi tomonidan tergovga qadar tekshiruv olib borilmoqda, tekshiruv viloyat prokuraturasi tomonidan nazoratga olingan.