Dunyodagi bevaqt o‘lim holatlarining asosiy sababi ochiqlandi
JSST bu bo‘yicha ma’lumot berdi.
Dunyoda har yili 9 million odam insult, migren, demensiya va meningit oqibatida vafot etadi. Bu haqda JSST ma’lum qildi.
Bundan tashqari, sayyoraning har uchinchi aholisi nevrologik kasalliklarga chalinishi mumkin. Qayd etilishicha, bu nogironlikka sabab bo‘ladigan eng katta omillardan sanaladi. Shuningdek, ushbu turdagi kasalliklar bevaqt o‘limga sabab bo‘layotgan ikkinchi faktordir.
JSST ma’lumotlariga ko‘ra, past va o‘rta daromadli davlatlardagi 5 yoshgacha bo‘lgan 43 foiz bola (250 million nafar) o‘z aqliy qobiliyatini rivojlantirish imkoniyatidan mahrum.
Avvalroq BioNTech va Pfizer yangi vaksinalar ustida ishlayotgani to‘g‘risida xabar berilgandi.
