0
Amir Temur haqida multfilm ishlab chiqariladi
U rejissyor Odil Mahamadov rahbarligida yaratiladi.
Oʻzbekistonda tarixiy shaxslar haqida mulfilmlar yaratiladi. Bu Kinematografiya agentligi Axborot xizmati tomonidan maʼlum qilindi.
Qayd etilishicha, Milliy kinematografiyani rivojlantirish markazi yirik loyiha — “Renessans” ustida ish olib bormoqda. Loyihada birinchi va ikkinchi renessans davridagi ajdodlar haqida 30 ta animatsion film ishlab chiqarish koʻzda tutilgan. Ayni paytda ijodiy guruh Amir Temur siymosiga bagʻishlangan animatsion film ustida ishlamoqda.
Jamoaga rejissyor Odil Mahamadov rahbarlik qilmoqda. Animatorlar Zebo Saidazimova, Sanobar Erkinova, Firdavs Noʻmonov, Mohira Mirzayeva. Ssenariy muallifi – Toʻlqin Hayit, postanovkachi rassom – Doniyor Abduvositov.
