Armanistonda pirotexnika ombori portlab ketdi
Oqibatda poytaxtdagi savdo markazlarining birida yongʻin chiqqan.
Bugun, 14-avgust kuni Armaniston poytaxti Yerevan shahridagi pirotexnika ombori va “Surmalu” savdo markazida yongʻin sodir boʻldi. Bu haqda mamlakat Favqulodda vaziyatlar vazirligi xabar qildi.
Dastlabki maʼlumotlarga koʻra, pirotexnika omborida 2 marta kuchli portlash sodir boʻlgan va bino qulab tushgan. Oqibatda bir kishi halok boʻlgan va 20 kishi jarohat olgan.
Savdo markazidagi yongʻinga ombordagi portlash sabab boʻlgan. U yerda 34 kishi jarohatlangan va bir kishi qurbon boʻlgan.
Hozirda voqea joyida oʻt oʻchiruvchilar guruhi ishlamoqda.
