0
Xitoy Tayvanga yana harbiy samolyot va kemalar yubordi
Mamlakat armiyasi oʻtgan hafta harbiy mashgʻulotlarni yakunlagandi.
Xitoy Xalq ozodlik armiyasi Tayvanga 17 ta harbiy samolyot va beshta kema yubordi. Bu haqda “Ria Novosti” nashri yozmoqda.
“Tayvan qurolli kuchlari Tayvan atrofidagi dengiz va havo boʻshligʻida patrul xizmatini amalga oshirgan Xitoy armiyasining 17 ta samolyoti va 5 ta kemasini aniqladi”, — deyiladi xabarda.
Qayd etilishicha, 10 ta samolyot Tayvan boʻgʻozining “oʻrta chizigʻi” deb ataladigan hududni kesib oʻtgan.
Tayvan tomoni vaziyatni kuzatish uchun havo patrulini yuborgan. Shuningdek, hududga zenit-raketa tizimlarini joylashtirgan.
